Байгаль хамгаалах нөхөрлөлүүдийн үндэсний 2 дугаар чуулганаас гарсан шийдвэрийг хэрэгжүүлж эрчимжүүлэх ажлын хүрээнд ойн нөхөрлөлүүдийн үйл ажиллагааг бодитой дэмжих, ойжуулалтын үр өгөөжийг дээшлүүлэх зорилгоор Байгаль орчин, аялал жуулчлалын сайдын А/159 дүгээр тушаал гарчээ. Тус тушаалын дагуу аймгийн Байгаль орчин, аялал жуулчлалын газрын даргын А/11 тушаалаар ажлын хэсэг байгуулагдан 20-н ойн нөхөрлөлийг сонгон шалгаруулж тус бүр нэг сая төгрөгийг өгөх гэрээг байгууллаа. Эдгээр 20-н ойн нөхөрлөл ойн цэвэрлэгээ хөтөлбөрийг хэрэгжүүлэх, ойг нөхөн сэргээх, байгалийн сэргэн ургалтыг дэмжин ажиллах ажээ.